Wednesday, October 8, 2008

SEMBREAK

Tapos na ang Final Exams!!.

Wala na ang maduguang pag-rerebyu at pagsasaulo ng iba't-ibang bahagi ng mga assignaturang aking kinuha para sa unang semestre nang akademikong taon.

Laking pasasalamat ko sa Panginoon at natapos na rin ang maituturing na isa sa mga kalbaryo ng isang kolehiyolo.

Sembreak na nga, ito ang panahon para pansamantalang mapahinga, magsaya sa kabila ng kabadong damdamin at kalimutan muna ang paaralan. Ayan ang karaniwang deskripsyon ng panahon na ito. Panahon para sa ganang sarili.. Panahon upang muling balikan ang mga bagay at lugar na matagal ko nang di nagagawa 't nakikita.

Tunay nga, singkad nang ako'y umuwi ako sa aming bahay ay nalasap kong muli ang sariwang kapaligiran, ang pagkaing probinsya na di matumbasan sa Maynila, ang mga gawain na hindi ko nagagawa sa DORMITORYO at kaligayahan na tanging PAMILYA ang makapabibigay. Ang mga eksena tulad noong ako ay nasa hayskul pa.

Masaya nga di ba? Ngunit kung titignan sa kabilang angulo, hindi ko maitatatwa ang pagkalumbay sa mga kaklase ko sa BLOCK E3(ang seksyon ko sa kolehiyo). Hindi mo na kasi nakikita ang mga pangkaraniwang eksena tuwing may klase. Ang makita ang mga puyat nilang mukha tuwing alas-syite ng umaga, ang grandiyosong pagpasok ng mga studyanteng huli laging gumising (Manarin,Bartolo,Aity atbp.), ang mga barahang walang katulad(Araullo at NiƱa), ang mga kadugong trivia ni Janelle at mga kalokohan tulad ng toss coin (DOTA BOYS) para malaman kung papasok o hindi.

Wala na ang mga eksenang iyon. Naparam na ang mga iyon.

Nakakamiss talaga! waaah... Mapapatawa ako tuwing naaalala ko ang mga bagay na ito. Hayaan niyo at magkikita pa rin naman tayo sa unibersidad naten sa ikalawang semestre. di ba? Ang kaibahan nga lamang ay iyong iba ay lilipat na sa ibang kolehiyo para sa ibang kurso (CBEA ba or CAS?) , hindi na sa kolehiyo ng pagka-inhinyero at teknolohiya.

Ang iba naman, tuluyan nang mawawala sa kadahilanang sila ay magtratransfer na sa ibang unibersidad. Tulad ni JM na lilipat na sa TIP para kumuha ng Architecture, at si Philippe na pinili na sa probinsya na ipagpatuloy ang kanyang nasimulan. Hai. Bawas na nga talaga.

Mabuti na tignan na lamang ito sa positibong banda. Magkikita pa naman tayong lahat pagdating ng takdang panahon. hehe. Enjoy na lang muna tayong lahat sa sembreak!

sabi nga ni Asalhayop sa kahapon,ngayon, bukas "...Magsayawan, limutin ang kalumbayan!". Sembreak na kaya dapat muna tayong magsaya ahh!

Goodluck and Godbless sa ating lahat! ONE BIG FIGHT e3!

2 comments:

gezelle said...

wwaaaahhhh....

ang drama mu

hahahha


tama k nmn ..


mgkkta-kta pa tau...


so... see yah nxt tym..

Mako Andyelo said...

oo nga naman gezelle...

hehe

enjoy the sembreak!